Автомобилската мултинационална компанија со седиште во Штутгарт, објави дека проектираната заработка за оваа деловна година значително ја намалува. Како што соопштуваат германските медиуми, најголемо влијание врз ваквата проекција има зголемувањето на кинеските тарифи на увоз на автомобили од САД, но и воведувањето на дополнителни тарифи од страна на САД за производителите од Европа.
Поради ова, како што соопштуваат од компанија, се чекува намалување на продажбата на SUV возилата и зголемување на трошоците на Mercedes-Benz која е најзначајната автомобилска дивизија во Daimler. Оттаму порачуваат дека овој негативен ефект не може во целост да биде надоместен со преусмерување на возилата на другите пазари.
Од Daimler исто така соопштуваат дека приходите на Mercedes-Benz од продажбата на комби возила ќе бидат исто така значително намалени поради стопирање на продажбата на овие возила во дизелска верзија.
