Високи парични казни, па дури и затвор може да добијат прекршителите кои ќе решат да кампуваат во Грција на места што не се предвидени за таа намена. Ако бидете забележани дека сте поставиле шатор на место што не е камп, веднаш ќе бидете посетени од локалните власти и полицијата.
Административната казна предвидена со закон е до 300 евра, а кривичната може да стигне и до 3.000 евра. Прекршителите можат да добијат и казна до 6 месеци затвор. Постои пропис според кој ако не платиш паричната казна (меѓу 500 и 1.000 евра) можат да ви го задржат автомобилот.
Ако казнетиот по добивањето на пријавата отидe веднаш и плати глобата во рок од 15 дена, ќе платат само 50 отсто од казната.
Последните години се зголемени и санкциите за палење на оган. За загадување на животната средина и исфрлање на сметот казните почнуваат од 300 евра, а за палење на оган на неопределени за целта места се предвидува затвор до 5 години.
