На 17 октомври супер аукција на 120 олдтајмери вредни над 20 милиони евра

На 17 октомври годинава во швајцарскиот град Тофен ќе се одржи годинешната аукција на олдтајмери “Oldtimer Galerie Toffen”.

На аукцијата ќе се најдат над 120 возила со најразлична година на производство и поминати километри чија вкупна вредност изнесува над 20 милиони евра.

Дел од аукцијата е и Alfa Romeo 1900 C Super Sprint од 1955 година со поминати 98.500 км. На аукцијата ќе се најде и Alfa Romeo Montreal од 1973 година со поминати 14.800 км.

Тука е и реткиот Buick Super 51 Sedan од 1948 година со 4 литарски мотор кој продуцира 108 КС.

Интерес предизвикува и военото транспортно возило Steyr-Puch Pinzgauer 712 6×6 од 1982 година кое е со 70 илјади поминати километри.

Целосната листа на засега пријавени возила можете да ја погледнете ТУКА.