Во многу развиени држави каде што бројот на настрадани во сообраќајот не е така голем, овој сегмент на животот ужива голем интерес од научниците. Така психолозите од Универзитетот во Нотингем во Англија направиле интересно истражување на симулаторите и дошле до уште поинтересни резултати.
Британците заклучиле дека околу 90 мотоциклисти годишно загинуваат на нивните патишта бидејќи им се испречува автомобил односно минуваат во спротивна лента или им одземаат предност на раскрсница, но може да се работи и за некоја друга ситуација.
Научниците од Нотингем го истражувале тој случај, но и сличните сообраќајни ситуации и дошле до заклучок: краткотрајно губење на помнењето, кое знае да му му се случи на секого е многу опасно во сообраќајот. Може да видите мотоциклист, но во дел од секундата веќе ќе го заборавите бидејќи не сте доволно сконцентрирани зад воланот или главата ви е преполна со други грижи. За некого тоа губење на помнењето може да биде фатално.
Што е решение? Научните предлагаа „See Bike Say Bike“ односно ако видите мотоцикл, велосипед, автомобил, кои имаат предност изговорете го тоа на глас.
