Иако нема да биде достапен во Европа, овој модел предизвикува интерес особено поради фактот што станува збор за Suzuki Baleno, но само со знак на Toyota.
Претходно објавивме дека ова е дел од стратешкиот договор помеѓу Toyota и Suzuki кој се однесува на пазарот во Индија каде јапонскиот производител само ќе ги брендира автомобилите произведени од страна на Suzuki, во овој случај моделот Baleno.
Овој автомобил кој ќе биде понуден само со 1.2 литарски VVT бензински мотор ќе биде произведуван од страна на Suzuki-Maruti во фабриката во Гујарат (Индија),а токму и само на оовј пазар Toyota ќе го продава овој модел.
Со овој потег, но и претходно објавеното дека новиот Yaris е всушност Mazda 2 со знак на Toyota, како и фактот дека Aygo, Toyota го произведува заедно со PSA Групацијата, станува јасно дека јапонскиот производител полека го напушта фокусот на малите градски автомобили.
