Се чини дека Peugeot со новата генерација на моделот 2008 направи одлична работа. Доказ за тоа е што не може да одговори на големата побарувачка за овој модел.
Втората генерација се произведува во фабриката во Виго, Шпанија, која е со годишен капацитет од 420.000 возила, капацитет кој во моментов не е доволен споредбено со побарувачката за моделот 2008.
- Advertisement -
Оттука Peugeot веќе регрутираше дополнителни 600 работници кои ќе го зголемат неделното производство на овој модел за 2.400 возила.
Во јули овој модел забележа продажба од 19.773 примероци што е повеќе од моделот 208 кој долго беше на тронот во поглед на продажбата на европско тло.
