Јапонскиот производител на автомобили Nissan објави дека ќе отпушти 9.000 работници откако ја намали прогнозата за продажба за цела година. Компанијата соопшти дека ова се итни мерки што ги презела за да се справи со тешките услови, откако забележала пад на нето добивката за 93 отсто во првата половина.
Компанијата го припишува падот на профитот на особено слабата продажба на северноамериканскиот пазар, објави француската новинска агенција АФП.
Nissan, како и другите јапонски производители на автомобили, се бори да го задржи својот статус во Кина, каде домашната конкуренција од брзорастечките електрични автомобили е жестока.
„Nissan се соочува со тешки услови, па презема итни мерки за да ги подобри перформансите и да создаде послаба, поотпорна компанија која ќе може брзо да се прилагоди на промените на пазарот“, напишаа тие во соопштението што го придружуваше објавувањето на полу- годишен деловен извештај.
Тие додадоа дека во светот ќе го намалат производствениот капацитет за 20 отсто и ќе ја намалат работната сила за 9.000 луѓе.
Во соопштението, исто така, се вели дека главниот извршен директор Макото Учида доброволно ќе земе половина од неговата плата почнувајќи од ноември, а другите директори во одборот, исто така, доброволно ќе прифатат соодветни намалувања на платите.
Компанијата сега очекува нето приход од вкупно 12.700 милијарди јени (речиси 77 милијарди евра) за целата финансиска година, додека претходно предвидуваа 14.000 милијарди јени нето приход.
Во шесте месеци до септември, нето добивката на Nissan изнесуваше 19,2 милијарди јени, во споредба со 296,2 милијарди јени во истиот период минатата година.
Нето приходот беше за 79,1 отсто помал на 5.984,2 милијарди јени во првото полугодие
Следете не и на:
