Заедно со Виена, Загреб е еден од најстресните градови за возење во Европа, според истражувањето на DiscoverCars.com.
Целта на истражувањето беше да се открие каде европските возачи се најмногу под стрес, со мерење на пулсот на возачите во седум различни градови низ континентот.
DiscoverCars.com ја создаде ранг-листата со тоа што прво прави пресек на најниските отчукувања на срцето на секој возач во возење и мирување и највисоките отчукувања на срцето при возење и мирување.
Следно, DiscoverCars.com го одзеде просекот на најнискиот број од просекот на највисокиот број за да дојде до број кој го означува „стрес резултат“. Истражувањето е поддржано од докторот Адедеџи Сахид кој даде увид во стандардните отчукувања на срцето.
Загреб има оценка за стрес од 25,5, што е ист резултат како тој на Виена, па двата града го делат првото место. Разликата помеѓу отчукувањата на срцето на возачот додека вози и онаа додека се одмара е значајна.
Највисокиот пулс на овој возач додека вози, 115 отчукувања во минута, е значително поголем од неговиот најнизок пулс во мирување од 75 отчукувања во минута – иако неговиот пулс во мирување достигна 94 отчукувања во минута, што е на горната граница на нормалата. Според д-р Сахид, кофеинот, стресот, нервозата и основните здравствени проблеми, исто така, можат да придонесат за зголемен пулс во мирување.
Најнискиот пулс на возачот додека возел бил 86 отчукувања во минута. Тоа е многу побрзо отчукување на срцето, дури 16 отчукувања во минута повисоко, во споредба со пулсот на повеќето други возачи. Горенаведеното може да значи дека овој возач чувствувал стрес додека возел низ град, дури и кога пулсот не му достигнувал 111 отчукувања во минута.
Според возачите, патиштата во Загреб може да бидат полни за време на шпицот, особено главните патишта како авенијата Загребачка. Друга причина зошто Загреб е оценет како многу стресен град за возење може да биде брзото возење, што некои возачи истакнуваат дека го забележале.
Петте најстресни градови за возење се:
* Загреб, Хрватска (стрес резултат: 25)
* Виена, Австрија (стрес резултат: 25)
* Даблин, Ирска (стрес резултат: 9,5)
* Копенхаген, Данска (стрес резултат: 7,5)
* Рејкјавик, Исланд (оценка за стрес: 5,5)
Следете не и на:
