Volvo Cars повлекува 460.769 автомобили од постари модели ширум светот поради неисправни воздушни перничиња кои би можеле да бидат смртоносни во случај на несреќа.
Проблемот се јавува кога воздушното перниче се активира поради удар. Делови од системот за надувување во воздушното перниче може во одредени случаи, да излезат и во најлош случај да ве погодат, што може да резултира со сериозни повреди или смрт, изјави компанијата за американските регулатори за безбедност.
Volvo што е во сопственост на Geely, неодамна ги потврди плановите да излезе на берза, се свесни за еден инцидент што резултирал со смрт поради проблемот, според документите поднесени до Националната управа за безбедност во сообраќајот на автопатите.
Возилата погодени со повлекувањето се од постари модели. Тие ги опфаќа и моделите S80 произведени од 2001-до 2006 година и моделот S60 од 2001 до 2009 година. Сите возила се произведени помеѓу мај 2000 и март 2009 година.
Повеќе од половина од возилата – 259.383 – се продадени во САД.
За да се поправи проблемот, компанијата ќе го замени воздушното перниче за возачот бесплатно за клиентот. Планира да ги извести засегнатите сопственици веднаш следниот месец да ги поправат возилата.
Vovlo не ги откри очекуваните трошоци за замена на воздушните перничиња, што може да биде скапо. Според документите поднесени до NHTSA, компонентите на воздушните перничиња во возилата на Volvo ги доставуваа шведскиот AutoLiv и германскиот снабдувач на авто делови ZF.
Следете не и на:
