За време на презентацијата на својот традиционален годишен извештај, Porsche откри нови детали за идниот развој на портфолиото на брендот. Porsche објави дека речиси 40% од новите автомобили на брендот продадени минатата година биле електрифицирани – 100% електрични (BEV) или хибриди на полнење (PHEV).
„Во 2025 година, половина од продажбата на Porsche се очекува да биде од електрични автомобили – целосно електрични или хибриди на полнење“, рече Оливер Блум, претседател на Одборот на директори на Porsche AG. „Во 2030 година уделот на новите целосно електрични автомобили треба да биде над 80 отсто“, додаде тој.
„Ја забрзуваме нашата електрична офанзива со друг модел: До средината на деценијата сакаме да го понудиме нашиот спортски автомобил 718 исклучиво во електрична верзија“, рече Блум.
Во 2021 година, продажбата на Porsche достигна рекордно високо ниво од 301.915 единици, што претставува зголемување од 11% во споредба со 2020 година.
Најпродаваниот нов автомобил на Porsche во 2021 година повторно е SUV моделот – компактниот Macan, кој генерира 88.362 испораки.
На второто место по популарност во портфолиото на иконата компанија што произведува спортски автомобили е уште еден SUV – Cayenne, со 83.071 примероци.
Третата позиција е за 100% електричниот Taycan, чија реализација лани достигна ниво од 41.296 единици или повеќе од 2 пати повеќе од 2020 година.
Следете не и на:
