Меѓу оние со послаби резултати е и Peugeot 408, модел кој се натпреварува за наградата „Автомобил н агодината во Европа“. Три кинески марки беа на тестирањето, Lucid Air, Maxum MIFA 9 и CHERY OMODA5.
Пред крајот на годината, Euro NCAP ги спроведе последните тестови за 2022 година, и вкупно 14 автомобили ги поминаа тестовите за несреќа, но не сите беа доволно безбедни за да постигнат максимален резултат од 5 ѕвезди.
Интересно е дека меѓу оние што не успеаја да бидат со највисока оценка не се кинеските марки кои имаа свои возила, што покажува дека тие работеле многу на подигнување на квалитетот на своите автомобили. Меѓу оние што не успеаја да бидат „одличн“ се Ford Puma, VW Touran и Peugeot 408. Францускиот модел е во конкуренција за „Автомобил на годината во Европа“.
„2022 беше една од најпрометните години за Euro NCAP и видовме многу нови производители на автомобили. Ова го докажува панелот возила, тестирани за време на година. Во последната група на автомобили сега има и автомобили од кинески марки, вели Мичил ван Ратинген, генерален секретар на Euro NCAP.
Во последниот месец во 2022 година Euro NCAP ги тесtираше: Chery Omoda5, Ford Puma, Ford Ranger, Land Rover Discovery Sport, Lexus RX, Lucis Air, Maxum MIFA 9, Mercedes Benz GLC, MG 4 Electric, Peugeot 408, Skoda Octavia, VW Amarok, VW ID.Buzz, VW Touran.
Volkswagen го оживеа своето ретро комбе во 100% електрична верзија, а се испостави дека покрај тоа што е оригинален и носталгичен, ID.Buzz е и безбеден и заработува максимални 5 ѕвезди. Дури и го заработи својот најдобар рејтинг на заштита на возрасните од 92%, а неговите помагала за возење достигнаа 90%. Заштитата на децата беше оценета со 87%.
Од 14 тестирани автомобили, само три не успеаја да ја постигнат максималната безбедносна оцена од 5 ѕвезди дадена од организацијата Euro NCAP, а тоа не се кинеските модели. Изненадувачки меѓу нив е најновата понуда на Peugeot, со кодно име 408, која се натпреварува за наградата Автомобил на годината за 2023 година. Тој е базиран на моделот 308 чиј резултат беше објавен претјодно во текот на годината и освои четири звездички.
Моделот 408 го пропушта највисокото признание поради неговиот систем за автоматско сопирање за итни случаи (AEB), кој „не успеал на тестовите за неговиот одговор на други возила“, се вели во соопштението на Euro NCAP, кое му донесе рејтинг од 65%.
Градскиот автомобил Ford Puma и малиот миниван Volkswagen Touran се другите двајца учесници кои не постигнаа максимален резултат. Сепак, ова се ажурирани автомобили од стари модели, а не целосно нови модели. И како што забележува Микиел ван Ратинген: „Европските потрошувачи бараат највисоки нивоа на безбедност“.
Големиот број возила тестирани од Euro NCAP во текот на годината, особено на нејзиниот крај, се должи на еден интересен податок. Дваесет и пет години по неговото основање, Euro NCAP планира да ги заостри своите протоколи за 2023 година за: „да продолжи да постигнува уште повисоки нивоа на безбедност и да носи нови возбудливи и тешки предизвици за автомобилската индустрија“, се вели во соопштението на генералниот секретар на Euro NCAP.
Следете не и на:
