BMW има велосипед кој може да се вози со брзина од 60 км/ч.

Покрај новите автомобили кои се подготвени за ова издание на саемот во Минхен, на штандовите можат да се забележат и многу други средства за мобилност вклучувајќи и трицикли, скутери, тротинети и велосипеди. На штандот на BMW може да се најде и новата понуда во која се наоѓа комбинација од електричен погон со класичен велосипед.

BMW i Vision AMBY изгледа слично како е-велосипед, но нуди значително повеќе можности. Тоа е едно од петте различни концептни возила со кои групацијата BMW ја прикажува својата визија за индивидуална мобилност во градовите и нивните околини на IAA Mobility настанот. Под еден чадор што опфаќа електрична мобилност, дигиталност и одржливост, петте пионерски концепти создаваат разновидна мешавина на мобилност на две и четири тркала поттикнати од одржливо размислување, кое сеопфатно опфаќа исклучително широк спектар на потреби за мобилност.

Електричниот погон нуди три нивоа на брзина за различни типови патишта: до 25 км / ч кога возите по велосипедски патеки, до 45 км / ч на градските улици и максимална брзина до 60 км / ч на патишта со повеќе ленти и надвор од населбите. Според информацијата, тој може да измине до 300 километри со едно полнење благодарение на батеријата од 2000Вч.

Тоа е максималната километража при режим во кој максималната брзина е ограничена до 25 км/ч. Тоа е и максимална законска брзина во повеќето делови на Европа. Сепак, велосипедот може да достигне 60 км/ч во најспортскиот режим, но за ова ќе треба специјална регистрација и број, слични на оние кај моторите.

Следете не и на: