И покрај тоа што претходно го промовираше Civic Type R, светскиот шампион сега остро ја критикува FWD конфигурацијата
Пилотот на Red Bull Racing, Макс Ферстапен, не е познат по воздржаност во своите изјави – и овојпат повторно привлече внимание со своето мислење за автомобилите со преден погон (FWD). Во краток, но директен коментар додека возеше Ford RS200 со новинарот Крис Харис, а потоа и зад воланот на новиот Mustang GTD, Верстапен изјави:
„Мислам дека е навистина досадно. За мене, тоа е како анти-возење. Понекогаш сум возел FWD во симулатор… тоа е најлошото нешто што постои.“
Интересно е што само пред неколку години, истиот овој четирикратен Ф1 шампион се појавуваше во реклами за Honda Civic Type R, најбрзиот сериски автомобил со преден погон на Нирбургринг. Но, тие реклами беа дел од соработката меѓу Red Bull Racing и Honda, која започна во 2019 година и траеше до повлекувањето на јапонскиот производител од Ф1 во 2021.
Денес, иако болидот RB21 сè уште користи тwin-turbo V6 мотор развиен од Honda, од 2026 година Red Bull преминува на нов погонски систем развиен заедно со Ford, кој ќе биде во употреба до најмалку 2030 година.
Не треба да го осудуваме Ферстапен. Како и многу спортисти, често има обврска да зборува позитивно за спонзорите. Истото се случи и кога го промовираше електричниот модел на Honda e, каде го опиша како „забавен за возење“ и „одличен урбан електричен автомобил“ – иако е со задно предавње.
Да не заборавиме – и Ford има долга традиција со перформансни FWD автомобили, како што беа Fiesta ST и Focus ST. Иако овие модели наскоро ќе излезат од производство, лесно е да замислиме сценарио во кое Ферстапен со насмевка го вози некој од нив во рекламна кампања… ако му го наложи договорот.
