Британецот беше претседател на ФИА во периодот од 1993 до 2009 година, откако претходно имаше успешна кариера како адвокат, аматер возач на трки и основач и ко-сопственик на March Engineering. Почина на 81 годишна возраст.
Мозли е роден во 1940 година, како син на фашистичкиот политичар Сер Освалд Мозли и Лејди Дијана Мозли, која беше една од славните сестри Митфорд.
По завршувањето на школото за адвокати, Мозли беше аматерски тркач во спортски возила, а подоцна и во Формула 2, учествуваше на трката во Хокенхајм во 1968 година каде што животот го загуби Џими Кларк.
Тој се повлече од возење во 1969 година и беше ко-основач на Mаrch Engineering, кој стана еден од најпознатите светски производители на тркачки автомобили.
За време на овој период, тој стана правен советник на Здружението на конструктори во Формула 1 (ФОЦА) и помогна да се смисли првичниот Конкорд договор, кој управуваше со Ф1 со децении.
Во 1986 година, тој беше избран за претседател на Комисијата за производители на FISA, а потоа стана претседател на FISA во 1991 година. Како дел од преструктуирањето на управното тело на мото трки, со тоа што ФИА ја презеде контролата над автомобилите и трките, тој беше избран за претседател на ФИА во 1993 година, откако Жан-Мари Балестр се повлече од функцијата.
Мозли започнал голем притисок за подобрување на безбедносните стандарди во патните автомобили и се соочи со слична крстоносна војна во Ф1 по смртта на Роланд Раценбергер и Аиртон Сена на трката за Големата награда на Сан Марино во 1994 година. Во Ф1, тој предводеше измени за да ги направат болидите побезбедни – и преку намалени перформанси, подобрени тестови за судир и исто така уреди како HANS. Но, неговиот мандат на ФИА, реизбран во 1997, 2001 и 2005 година, не беше без контроверзии.
Тој беше близок пријател и соработник на Берни Еклстоун и двојката формираше силен сојуз во честите битки со производителите и тимовите за контрола на Ф1. Мозли беше силно вклучен во одлуката да се одржи ГП на САД во 2005 година во Индијанаполис, иако сите возачи на Мишелин мораа да се повлечат од настанот пред почетокот.
Исто така, се случи и познатиот шпионски скандал McLaren во 2007 година, каде Мосли зазеде тврд став против тимот за вмешаност во аферата. Мандатот на Мозли во ФИА заврши наскоро откако тој беше предмет на таблоид што го разоткри во 2008 во врска со неговиот сексуален живот.
Додека Мозли го водеше весникот на суд и доби судски спор дека ја нарушил неговата приватност, а исто така освои и гласање за доверба од ФИА по контроверзноста, тој на крајот избра да не се кандидира за реизбор во 2009 година.
Мозли неодамна беше предмет на нов филмски документарен филм за неговиот живот, кој треба да биде објавен наскоро.
Следете не и на:
