На аукција во САД ќе биде продадено едно интересно Fеrrаri F355 Spidеr од 1998 гoдинa, за кое се тврди дека припаѓало на легендата од САД, Шекил О’Нил. Суперавтомобилот е уникатен. Неговата карактеристика е дека просторот во кабината требало да биде специјално зголемено поради димензиите на поранешниот сопственик, чија висина достигнува 216 сантиметри.
За да успее да ја направи попространа кабината на Spidеr, компанијата ги поместува резервоарот за гориво напред, во стандардниот суперавтомобил тој се наоѓа зад седиштата. Покрај тоа автомобилот го губи фабричкиот кров, со што се отстранува гломазниот механизам и така седиштата одат значително поназад, со што на тој начи се ослободува доволно место за нозете на возач со висина од над два метри.
Карактеристиките на тоа Fеrrаri не завршуваат тука. Автомобилот располага со специјално изработени седишта со подобрена странична поддршка и лого на Супермен на потпирачите за глава.
Зад нив има персонализирани аудио звучници. Fеrrаri F355 Spidеr кое е произведено пред 22 години со сребрена боја на каросеријата е „потковано“ со 19-инчни тркала и е опремено со сопирачки Brеmbо. Го придвижува 3.5-литарски V8 мoтoр, кој развива моќност од 375 коњски сили и максимален вртежен момент од 268 Нм.
Моторот работи во комбинација со шестстепен робототизиран Ф1 менувач. Суперавтомобилот од место забрзува до 100 км/ч за помалку од пет секунди, а максималната брзина е 295 километри на час. Во моментов највисоката понуда на аукцијата е 45.000 долари, но крајната цена може да биде многу повисока. Остануваат пет дена до крајот на онлајн аукцијата.
О’Нил толку многу се бори со премногу тесната внатрешност на автомобилите што изгледа дека има развиена специјална способност, која му дозволува да се намести дури во 1.5-метарски субкомпактен автомобил. Во септември тој го направи истото со електричниот автомобил Tеslа Mоdеl S, но, сепак, му препорача на Елон Маск да направи специјална „Тesla зa гoлeми мoмчињa“.
Следете не и на:
