Откако на саемот за автомобили во Москва Renault премиерно го претстави новиот SUV, Arkana, а пред официјалната премиера на сериската изведба, на интернет се појави рендер за можниот изглед на спортската, RS изведба од овој модел.
Од рендерите објавени од еден млад дизајнер, чија инспирација биле останатите RS изведби на Renault моделите, Arkana RS во целост презема некои препознатливи спортски дизајнерски елементи.
Така, на предниот дел се наоѓаат препознатливите магленки составени од три концепциски распоредени коцки. Тука се и спортските фелни како и изменетиот заден браник. Тука секако е и модифицираниот заден дифузор, спојлерот на задниот дел, додатниот преден спојлер како и централно поставените издувни отвори.
Оваа спортска изведба секако дека би дошла и со помоќен мотор од основниот 1.5 дизелски мотор. Како што и претходно е познато комерцијализацијата на основната изведба на овој модел ќе се спроведе на почетокот на 2020 година, што значи дека спортската изведба би требало да биде лансирана во текот на 2021 година.
Следете не и на:
