На интернет се појави видео од сообраќајна несреќа во која учествуваа два Ferrari автомобили – F50 и 488 Pista.
Во рамките на овогодинешниот традиционален настан Cavalcade кој всушност претставува собир на сопствениците на Ferrari во италијанското монденско место Капри, двајца невнимателни сопственици се судрија предизвикувајќи материјална штета.
- Advertisement -
Имено возачот на моделот F50 наеднаш застана на улицата со цел да се поздрави со љубопитните гледачи, а во тој момент отпозади го удри возач со Ferrari 488 Pista.
Вкупната пазарна вредност на двата автомобили се движи помеѓу 1 и 2 милиони евра, па оттука овој настан италијанските медиуми веднаш го етикетираа како најскапата сообраќајна несреќа во земјата.
