Според една нова студија објавена во списанието Environmental Science and Technology, огромен број седишта за автомобили содржат хемикалијата трис (1-хлоро-изопропил) фосфат што предизвикува рак, позната како TCIPP.
Истражувачите, во соработка со Универзитетот Дјук и Универзитетот во Торонто, испитувале вкупно 155 возила (произведени помеѓу 2015 и 2022 година) од различни земји. Од нив, 101 од овие автомобили беа тестирани во зима, а 54 во лето, за да се земе предвид разликата во температурата. Тимот разгледуваше хибридни, електрични и бензински и дизел возила.
На повисоки температури, концентрацијата на оваа опасна хемикалија била два до пет пати поголема. Повеќе хемикалии се ослободуваат од седиштето кога е потопло. Ова е прилично загрижувачко бидејќи Националниот токсиколошки извештај на САД од 2023 година откри докази за „канцерогена активност кај машки и женски стаорци и глувци“ изложени на хемикалија.
Други забавувачи на пламен откриени во автомобилите се познати канцерогени, ендокрини дисруптори, и/или невротоксини и се постојани и се биоакумулираат кај луѓето.
Дали треба да бидеме загрижени за овие наоди?
Па, да и не. Студијата вели дека трагите од TCIPP биле измерени на нивоа помеѓу 0,2 и 11.600 ng/g (нанограми), што е многу мала количина. Сепак, сосема е изненадувачки да се знае дека оваа хемикалија се наоѓа во толку многу возила.
Студијата исто така забележува дека многу од тестираните возила содржеле траги од две хемиски соединенија отпорни на пламен, TDCIPP и TCEP. Соединението најмногу се наоѓа во пената на седиштата, а не во компонентите или тапацирот.
Водечката авторка на студијата Ребека Хон, која исто така е токсиколошки научник на Универзитетот Дјук, верува дека ова е проблем на јавното здравје. „Тоа е особено загрижувачко за возачите кои имаат подолг пат на работа, како и за децата кои вдишуваат повеќе од возрасните“, рече Хон.
Истражувачите препорачуваат возачите да ги отворат прозорците за да ги намалат внатрешните температури и да го подобрат протокот на воздух. Користењето на клима уредот е исто така корисно, но поставката за кружење на воздухот треба да се избегнува, барем додека температурата во автомобилот не се врати во нормала.
Хемиските соединенија познати како „забавувачи на пламен“ можат накратко да го одложат палењето на малите пожари, а кога ќе изгорат, создаваат дополнителен чад и отровни гасови што може да го направат пожарот поопасен. Таквите пожари произведуваат и токсични хемикалии наречени диоксини и фурани за кои се верува дека придонесуваат за појава на рак кај пожарникарите.
Во внатрешноста на возилата се додаваат штетни средства за забавување на пламенот за да го задоволат стандардот FMVSS 302 на американската Национална управа за безбедност на сообраќајот на патиштата (NHTSA).
Следете не и на:
