Откако Германците ја освежија речиси целата своја гама и претставија неколку нови интересни модели, сега од спортската дивизија на BMW го оставија најинтересното за крај. Следниот месец ќе ги видиме XM и новиот Z4, а во октомври ќе дојде компактното купе M2.
Сепак, ова нема да стави крај на интересната BMW M серија и во ноември германската компанија ќе го покаже својот можеби најексклузивен и секако најскапиот модел до сега – 3.0 CSL.
Спортското купе базирано на М4 треба да дебитира во претпоследниот месец од годината, а на интернет се појавија гласини за цената на спортскиот модел. Според информациите на BMWBLOG, кои се однесуваат на луѓе од компанијата, цената на 3.0-CSL ќе започнува од 750.000 евра. Ова автоматски го претвора лесното и спортско купе во најскапиот модел во гамата на Германците.
Она што го знаеме во моментов е дека 3.0 CSL ќе се базира на M4 CSL и, како и тој, ќе биде само со погон на задните тркала. Главната разлика меѓу двете ќе биде достапноста на мануелен менувач на поексклузивниот модел, како и евентуално поголема моќност.
Очекувањата се дека ќе порасне до 560 коњски сили, а покрај тоа инженерите ќе направат промени во суспензијата, аеродинамиката и секако намалување на тежината.
Следете не и на:
