Continental ја освои наградата за производител на гуми на годината за нејзината континуирана посветеност на иновациите дизајнирани да ја подобрат технологијата и одржливоста на производите. Меѓународните награди за иновации и достигнувања на Tire Technology беа доделени на саемот за технологија за гуми во Хановер.
Continental беше награден од Tire Technology International (TTI), и наградите на TTI за иновации и извонредност се сметаат за најважни во индустријата и ги покажуваат најновите случувања и напредок во технологијата на гумите низ целиот свет. Критериумите за избор оваа година повторно беа фокусирани на технолошките иновации за подобрување на безбедноста и одржливоста на производите – со награди доделени од меѓународно жири од повеќе од 20 новинари и водечки експерти во индустријата за гуми.
Ова е третпат во последните осум години Continental да ја освои престижната награда за производител на гуми покажувајќи ја својата посебна посветеност на водечките технолошки иновации на пазарот засновани на безбедност и одржливост.
Производителот на премиум гуми го демонстрира својот капацитет за иновација со воведување на технологијата ContiRe.Tex. Специјално развиената технологија за поголема одржливост беше пуштена во производство за само неколку месеци. Тоа и овозможува на компанијата целосно да ги замени традиционалните полиестерски влакна со рециклирани влакна добиени од рециклирани шишиња.
Continental e oснована во 1871 година, a технолошката компанија нуди сигурни, ефикасни, интелигентни и достапни решенија за возила, машини, сообраќај и транспорт. Во 2021 година, Continental оствари продажба во вредност од 33,8 милијарди евра и моментално има повеќе од 190.000 вработени во 58 земји и пазари. На 8 октомври 2021 година, компанијата ја слави својата 150-годишнина. Одделот за гуми на групацијата има 24 локации за производство и развој низ целиот свет.
Следете не и на:
