Toyota ги сподели податоците од вториот пролетен месец оваа година и го откри апсолутниот рекорд што го постави за производство на автомобили. Во месец април 2023 година, јапонската марка успеа да произведе 787,8 илјади автомобили или 13,8% повеќе од истиот период минатата година. Ова е најдоброто достигнување на марката во целата нејзина историја, според Toyota.
Во Јапонија беа склопени вкупно 273,06 илјади автомобили, а иако бројката е доста висока и за 12,2% подобра од минатата година, сепак не е најдоброто што Toyota може да го направи.
Од друга страна, рекордот го обликува странското производство кое достигна 514,74 илјади автомобили или 14,7% повеќе од истиот период за 2022 година. Најдобри перформанси надвор од Јапонија беа погоните во Индија, каде што производството се зголеми за 119%.
Во однос на продажбата, Toyota може да се пофали со 800.863 успешни зделки за месец април, надминувајќи ги резултатите од 2022 година за 4,9%. Интересно е да се спомене дека од сите овие автомобили, само околу 1% или 8584 автомобили се електрични. Во првите 4 месеци од 2023 година, Toyota продаде над 3,2 милиони автомобили, од кои 26.057 електрични.
Следете не и на:
