Втората генерација на Toyota Mirai не успеа да се наметна на пазарот, делумно поради недостатокот на сеопфатна мрежа за полнење гориво со водород. Сепак, компанијата ја покажа посветеноста на брендот кон оваа технологија. Toyota призна дека со оглед на недостатокот на популарност на Mirai, го префрла фокусот на водородната технологија на лесни камиони.
Говорејќи на саемот за мобилност во Јапонија кој моментално се одржува во Токио, Хироки Накаџима, техничкиот шеф на Toyota, истакна дека создавањето мрежа за полнење гориво со водород за комерцијални возила би било полесно отколку за автомобил како Mirai.
„Се обидовме со Mirai, но не успеавме“, изјави тој за Autocar. „Водородните станици се многу малку и тешко се имплементираат, така што Mirai е помалku присутен. За камионите со средна големина, лесно е да се испорача [мрежа за полнење] бидејќи најчесто е од точка А до точка Б. Огромен број камиони се движат од А до Б, за да можете да управувате со станиците со поголема стабилност. Комерцијалните возила се најважната област каде што треба да се обидеме да продолжиме со водородот“.
Toyota не се откажува целосно од патничките автомобили со водород. Накаџима истакна дека производителот на автомобили бара начини да ги намали компонентите на водородниот погон за да можат да се користат во различни модели. Тој, исто така, посочи дека може да има пазар за пикап камиони со водород, но не кажа дали компанијата активно развива таков.
Следете не и на:
