Откако во јануари и февруари Tesla реши да ги намали цените на своите возила, отчита одлични продажни бројки. Речиси се што е произведено е продадено.
Tesla ги сподели официјалните бројки за автомобили произведени и испорачани во првиот квартал од 2023 година. Од јануари до крај на март американската компанија произведе вкупно 440.808 автомобили. Во исто време, испорача околу 18.000 автомобили помалку, предавајќи точно 422.875 возила на крајните клиенти.
По модел, производството на Model S и Model X е десетици пати помало од она на Model 3 и Model Y, со 19.437 произведени автомобили и 421.371 автомобили произведени од поевтините варијанти, соодветно. Испораките се исто така слични: 10.695 за поголемиот Model S/X и 412.810 за Model 3/Y соодветно.
Силниот прв квартал се очекува да продолжи и во следните периоди на известување, при што тоа најверојатно ќе се почувствува најсилно во вториот квартал. Во јануари и февруари компанијата драстично ги намали цените на своите автомобили, а некои од нив се уште не се испорачани на клиентите. Заедно со ова, Tesla забележа и драстично зголемување на производството во нејзините главни фабрики.
Следете не и на:
