Продажбата на нови автомобили во ЕУ силно се зголеми и на почетокот на 2023 година, покажаа во вторникот податоците од здружението на производители ACEA.
Во 26-те земји на Европската унија, без Малта, во јануари се регистрирани повеќе од 760.000 нови автомобили, пишува ACEA, за 11,3 отсто повеќе отколку на почетокот на првиот месец од минатата година.
Единствен исклучок од позитивниот тренд е Германија. На најголемиот пазар на ЕУ, продажбата во јануари падна за 2,6 отсто, а причините секако може да се препишат на постојаното зголемување на цената на новите автомобили.
Од друга страна, најголем раст има во Шпанија, каде што продажбата на нови автомобили порасна за 51,4 отсто.
ACEA објавува дека најсериозни подобрувања во бизнисот на главните пазари се забележани во Шпанија (+51,4%) и Италија (+19,0%), потоа Франција (+8,8%) и Германија.
Највисок вкупен раст во ЕУ е забележан во Грција, каде што новите автомобили регистрирани минатиот месец се зголемија за 90,7% на ниво од 10.532 единици.
Севкупно, во првиот месец од годината, во ЕУ се регистрирани вкупно 71.984 целосно електрични автомобили (+22,9%), што е еднакво на 9,5% од вкупниот пазар.
Следете не и на:
