Еден од првите индиции дека Кристијано Роналдо го напушта Јувентус беше камионот на кој биле натоварени луксузните автомобили на фудбалерот во Торино. Нешто подоцна и Роналдо официјално го потврди заминувањето во Манчестер Јунајтед. Но, се чини дека неговата автомобилска флота не отпатувала во Англија, бидејќи фудбалската ѕвезда не смее да ги вози.
Тренерот Ралф Рангник не е строг само со своите фудбалери на теренот, туку и надвор од него. Во неговиот претходен клуб, Лајпциг, тој не им дозволуваше на фудбалери да доаѓаат на тренинзи со свои автомобили. Тие мораа да возат низ Лајпциг и неговата околина со официјалните спонзорски автомобили на клубот. Веројатно истиот пристап ќе го има и во Манчестер.
Роналдо, кој е познат како љубител на престижни автомобили, поседува флота вредна повеќе од 20 милиони евра, во која се Ferrari, Lamborghini и неодамна купените Bentley, за кои плати 300.000 евра и во една прилика веќе го искористи за да дојде на тренинг.
Претходните тренери му дозволуваа поголема слобода во сите погледи, главно поради статусот на ѕвезда и неговата важност за тимот, но новиот германски тренер никогаш не прави исклучоци само за еден фудбалер. Доколку Рангник го воведе истото правило, фудбалерите на Манчестер Јунајтед најверојатно ќе мора да возат на тренинг со Corvette Stingray, бидејќи овој производител е официјален партнер на клубот, а Сингреј е единствениот модел на продажба во Европа.
Кристијано Роналдо ги пресели скапоцените автомобили од Торино во Лисабон
Кристијано Роналдо го посети седиштето на Ferrari – купи автомобил од 1,6 милиони евра
Следете не и на:
