Спортскиот автомобил MX-5 повеќе не е единствената Mazda со погон на задните тркала што се продава во Европа, бидејќи CX-60 веќе се нуди на Стариот континент. Ако ви треба повеќе простор, британскиот оддел на производителот на автомобили објави дека CX-80 со седум седишта ќе биде лансиран некаде во 2023 година.
Техничките спецификации сè уште не се откриени, но двата теренци најверојатно ќе бидат идентични, освен разликата во големина.
Не само што CX-60 има погон на задните тркала, туку е и првата Mazda која користи ново семејство на бензински и дизел мотори со шест цилиндри, комплетирани со plug-in хибриден систем.
CX-80 најверојатно ќе ги наследи овие погонски единици и изборот помеѓу погон на задните тркала и погон на сите тркала во комбинација со осумстепен автоматски менувач. Слично како Miata, и теренецот со средна големина има систем наречен Kinematic Posture Control, кој го намалува превртувањето на телото со притискање на сопирачката на внатрешното задно тркало при свиоци.
Mazda се уште не кажува колку голем ќе биде модело CX-80, но потсетуваме дека стандардниот CX-60 со два реда седишта е долг 4,74 метри со меѓуоскино растојание од 2,87 метри. Во својата најтешка конфигурација, која е онаа на PHEV, CX-60 тежи речиси 2100 kg. Се подразбира дека CX-80 ќе биде малку потежок поради проширувањето на каросеријата за да се смести третиот ред на седишта.
Следете не и на:
