Корпорацијата Kia ги покажа целосните слики од надворешниот и внатрешниот дизајн на Kia EV9, нивниот прв електричен предводник на теренец со три реда, кој содржи смел стил и софистицирана елеганција внатре и надвор. Kia EV9 претставува клучен чекор напред во патувањето на компанијата кон станување добавувач на решенија за одржлива мобилност.
Kia го претстави електричниот EV9 во форма на концепт во ноември 2021 година на саемот за автомобили во Лос Анџелес, а ова е неговата сериска верзија сега е пред нас. Дигиталната премиера на моделот е предвидена за крајот на март
Како што е наведено, неговата елегантна силуета, специфичните светла и јасните линии најавуваат смел и самоуверен изглед. Смелиот идентитет на EV9 се карактеризира и со необичните светлосни линии создадени од предните и задните светла.
Очекувано, гамата би требало да вклучува основна верзија со 200 КС, како и врвна варијанта со 400 КС и погон на четири тркала (официјалните детали ќе бидат објавени подоцна).
Во зависност од верзијата, досегот со едно полнење на батеријата според претходните најави ќе биде од 354 до 467 километри.
EV9 ќе биде и најголемиот електричен SUV модел во нивната гама. Името EV9 потекнува од номенклатурата на електрични возила на Kia, која го комбинира префиксот „EV“ (електрично возило) со бројот „9“, што го претставува моделскиот сегмент во палетата на електрични модели на Kia.
За потсетување, концептот EV9 е долг 4930 mm, широк 2055 mm, висок 1790 mm и има меѓуоскино растојание од 3100 mm. Некои извори велат дека серискиот модел ќе биде достапен во верзии со 6 и 7 седишта, а ќе има тркала од 19 до 21 инчи.
EV9 ја користи дизајнерската филозофија на Kia „Opposites United“, се базира на платформата E-GMP развиена во соработка со Hyundai и има електричен систем од 800V.
Што се однесува до внатрешноста, на патниците ќе им понуди „спокојство, смиреност и благосостојба“, со два екрани од 12,3 инчи.
Инаку, Kia лани ги објави и своите електрични планови кои предвидуваат 14 нови ЕВ до 2027 година.
Со зајакнување на понудата на електрични возила, јужнокорејскиот бренд има за цел да постигне годишна продажба на електрични автомобили од 1,2 милиони до 2030 година. Тоа е 36 отсто зголемување во однос на претходната обврска на компанијата.
Следете не и на:
