Социјалните мрежи кај нас најчесто се користат за искажување на некое сопствено мислење, понекогаш за критикување, но истите секако можат да бидат и корисни. Не само за размена на рецепти, наоѓање најразлични масјтори за домаќинството туку и за наоѓање на украдени возила.
Добро, тоа не е кај нас, но секако е добра идеја, па може и да се направи нешто слично. А како фејсбук функционира во Портланд во САД.
Според податоците обезбедени од полициското биро во Портланд, пријавените кражби на автомобили за седумте месеци од јануари до јули 2022 година изнесуваат неверојатни 6.312, што е речиси двојно повеќе од бројките за истиот период пред само две години.
Hondа, Ford и Subary ги држат првите три места на најкрадени марки. Сопствениците на украдени автомобили тврдат дека полицијата е екстремно слаба во изнаоѓање на тие возила, поради притисокот на повеќе фронтови.
Група загрижени граѓани одлучиле дека едноставното прифаќање на ситуацијата не е доволно добро и дека прават нешто за тоа користејќи ја моќта на социјалните медиуми.
Една специфична група на Фејсбук, „PDX Stolen Cars“, моментално може да се пофали со над 10.000 членови и веќе им помогна на стотици луѓе да ги вратат своите негувани возила.
Основачот на групата Титан Крафорд бил инспириран да направи нешто од искуството што го имал во неговото соседство. „Најдов украден автомобил во мојата населба. Знаев дека е украдена. Ја контактирав полицијата и тие рекоа дека не можеме многу да направиме во моментов. Така, си помислев: Па, види дали можам да направам нешто“, вели Крафорд.
По основањето на групата, Крафорд вели дека привлекле стотици членови за многу кратко време, што одразува колку е лош проблемот во моментов. Членовите на групата ги држат очите и ушите отворени, вкрстувајќи ги објавените VIN-ови и описите на сомнителните возила на кои наидуваат, со што се осигуруваат дека украдените автомобили добиваат многу поголемо внимание насочено кон нив, отколку што инаку би било случај.
Еден сопственик кој имаше корист од групата беше Пол Реган, чиј ценет Chevy Camaro од 1981 година беше украден во мај. Тој веднаш го пријавил тоа во полиција, која му кажала дека неговата најдобра надеж ќе биде да ја објави на Фејсбук страницата на Крафорд. Тој, наводно, го послушал нивниот совет, а околу еден месец подоцна, неговиот автомобил бил забележан на авенијата Норт Мидвеј. За среќа, тој успеа да го врати возилото и ја поздрави групата за нивната помош.
Следете не и на:
