Американската компанија CarMD, која е специјализирана за софтвер за автомобилска дијагностика објави рангирање на веродостојноста, условите и трошоците за ремонт на моторите според брендови и модели.
Рејтингот е направен врз основа на сервисните податоците од 5,6 милиони автомобили, произведени од 1996 до 2018 година, чија контролна светилка „Проверете го моторот“ светела барем еднаш во периодот 1 октомври 2017 до 30 септември во 2018 година.
Немаше изненадување во тоа што пиктограмот „Check engine“ беше најредок кај автомобилите на Toyota. Досадниот симбол свети малку почесто кај панелите на Acura, Hyundai, Honda и Mitsubishi.
Далеку понеочекуван е лидерот на автомобилите без проблеми кај конкретни модели. Се покажа дека најмалку предупредувања за проблеми со моторот се појавиле кај Audi Q5 од 2016 година. На второто место е Subaru Crosstrek (XV), а следуваат три модели на Honda: CR-V, HR-V и Civic.
Веродостојноста на моторот е едно, а трошоците за ремонт нешто сосема друго. Најмалку пари за поправка бараат моделите на Mazda. Средната сума која се остава кај сопствениците на сервисите е 286$ (251€). На второто место е Kia со 320$ (€281), додека на трето – Dodge (326$/€286).
Кај конкретните модели најевтини за поправка се Hyundai Tucson и Accent од 2017 година со средна цена за ремонт од 67$ и 69$ (59 € и 61€). На евтина поправка можат да се сметаат и сопствениците на Kia Rio од 2016 година (70$/62€) и Toyota Prius од 2014 година (83$/73€).
Следете не и на:
