На тест во реални услови спроведен од инженери на Opel, новиот Grandland Hybrid помина повеќе од 1.100 km со едно полнење и резервоар.
Новиот plug-in хибрид на Opel дебитираше во Grandland, придвижуван од погонски агрегат кој се состои од 4-цилиндричен 1,6 турбо бензинец со 150 КС, електричен мотор од 125 КС, двата споени со предната оска за вкупно 195 КС и 350 Nm вртежен момент 179 kWh и 1.9 kWh. Токму како Peugeot 3008, со кој ја дели STLA Medium платформата.
Веќе достапен за нарачка новиот Opel Grandland беше ставен н атест во Топ верзијата GS од страна на инженерите во Риселсхајм во реалниот свет за да се процени неговата ефикасност. Резултатот? Вкупен опсег од над 1.100 km.
Автомобилот беше стартуван во јануарско утро во 2025 година со надворешна температура од 11°C, опремен со зимски гуми од 19 инчи, полн резервоар и целосно наполнета батерија од 17,9 kWh. Тестот симулираше типично патување во регионот помеѓу Риселсхајм и Франкфурт до регионот Рајн-Некар и назад.
Маршрутата вклучуваше различни сценарија за возење: автопатски делници со тековен сообраќај, застанувања во шпиц, селски патишта и градски сообраќај со застанувања на семафорите. Целта беше да се проценат перформансите на автомобилот во реални услови.
На крајот од тестот, новиот Opel Grandland Plug-in Hybrid помина вкупно 1.115 km, од кои 380 km во целосно електричен режим, со просечна потрошувачка од 4,6 литри бензин на 100 km, при просечна брзина од 80 km/h.
Овој резултат ги надминува податоците за хомологација на WLTP кои ја проценуваат потрошувачката помеѓу 21,9 и 23,4 kWh/100 km во електричен режим и помеѓу 0,8 и 0,9 l/100 km со наполнета батерија.
Од друга страна, со празен акумулатор, проценетата потрошувачка е помеѓу 6,8 и 7 l/100 km. Според овие проекции, вкупната автономија би била 897 километри, од кои само 87 километри во електричен режим.
Стандардната опрема вклучува тркала од 19 инчи, контрастен покрив, заштита на подвозјето, целосни LED светла, текстилна внатрешност, помош при паркирање, 10-инчен дигитален табла со инструменти, 10-инчен централен дисплеј, двозонска климатизација, претходно ладење, полнач од 3,7 kW, кабел за помош за полнење Mode 2 и разни системи за помош на возачот.
Следете не и на:
