Lexus ја потврди светската премиера на новата генерација RX за 1 јуни, притоа објавувајќи ја првата тизер фотографија од луксузниот теренец за кој вели дека е „целосно обновен“.
Тековната четврта генерација на Lexus RX дебитираше во 2015 година, а доби фејслифт во 2019 година, заедно со некои мали ажурирања. Како и неговите претходници, новиот модел ќе има хибриден погон кој се очекува да биде подобрен во однос на моќноста и ефикасноста.
Тизерот ни дава добра идеја за тоа каков ќе биде дизајнот на предниот дел кој го вклучува најновиот дизајнерски јазик на Lexus. Новиот и повеќе извајан нос е сличен на помалиот NX. LED фаровите се поостри од порано, а доводите за воздух на браникот пораснаа за поспортски изглед.
Иако не можеме да го видиме профилот или задниот дел на RX, се очекува еволутивен пристап со модерна површина. Внатре, RX треба да има корист од новата инфозабавен систем на Lexus со 12,3-инчниот екран на допир како што се гледа на NX и неодамна ажурираниот UX.
Следете не и на:
