Изминатата календарска година се продадени 17.240.210 нови автомобили. Тоа претставува благ пораст во споредба со 2017 година, но и надеж за позначително зголемува за оваа 2019 година.
Најпродавани брендови и официјално се Ford, Toyota, Chevrolet, Nissan и Honda, додека пак најголемо пазарно учество има General Motors, Toyota, Ford Motors и FCA.
Но кои автомобили се најпродавани минатата 2018 година во САД? Дефинитивно лидерската позиција припаѓа на SUV возилата, а најпродаваните пет автомобили ви ги прикажуваме во продолжение.
Jeep Compass
Еден од најпродаван автомобил за изминатата година е Jeep Compass. Со продадени 171.167 автомобили што претставува пораст од 106% во споредба со 2017 година, овој модел има најголем удел во годишната продажба на FCA.
Со новата генерација на овој модел FCA едноставно поентираше на американскиот пазар.
Tesla Model 3
Можеби не на првата позиција, но дефинитивно на врвот, со продадени 145.846 автомобили се најде моделот 3 на Tesla. Очекувањата на Маск се дека во 2019 година овој модел ќе стане најпродаван автомобил во САД, а големиот обем на продажба очекува да донесе значителен пораст на профитот.
Моделот 3 со ова се здоби со титулата најпродаван електричен автомобил во САД за изминатата 2018 година.
Subaru Crosstrek
Subaru Crosstrek е еден од најпопуларните јапонски автомобил во САД минатата година. Јапонскиот производител Subaru овој автомобил го продаде во 144.384 примероци, а продажбата бележеше раст и покрај повлекувањето на стотици возила поради производствени грешки минатото лето.
Honda Pilot
Значителна продажба оствари и Honda Pilot. Овој најпродаван автомобил на Honda во САД беше продаден во 159.615 примероци што претставува процентуален пораст на продажбата од 25.4% во споредба со истиот период 2017 година.
Toyota Tacoma
Дефинитивно најпродаваниот автомобил е Toyota Tacoma. Станува збор за најголемиот SUV на јапонскиот производител во САД со кој Toyota успеа да го одземе приматот на Ford Ranger и Jeep Gladiator во соодветната класа.
Tacoma изминатата година беше продаден во 245.659 примероци е најпродаваниот автомобил на Toyota во САД, а генерално и најпродаван модел.
Следете не и на:
