Од компанијата MINI објавија дека повеќе од 15 проценти од продажбите на компанијата се генерирани од електрифицирани претставници на понудата на брендот, што внимателно ја следи стратегијата на компанијата на целосната електрификација кон почетокот на следната деценија.
Од MINI споделуваат дека од лансирањето на пазарот, целосно електричното MINI Cooper SE генерирало повеќе од 30.000 продажби на светско ниво и дека хибридот на полнење MINI Cooper SE Countryman ALL4 ужива во непрекинато зголемување на интерес кај потрошувачите.
Во првата половина на 2021 година, глобалните продажби на MINI се зголемени за 32,6% во споредба со истиот период од минатата година. Електрифицираните претставници на брендот генерирале 23.777 продажби, 13.454 од нив биле на целосно електричното MINI Cooper SE. Вкупната продажба на електричниот автомобил е на ниво од 31.034 единици од лансирањето на пазаров во минатата година.
Хибридот на полнење MINI Cooper SE Countryman ALL4 допринесува со 10.323 продажби во првата половина од 2021 година.
Најголемата побарувачка на електрифицираните модели на MINI има во Германија и во Велика Британија. Во првата половина на годината во првата од земјите биле купени 6.324 електрифицирани автомобили на брендот, што е еднакво на малку под 30’% од вкупните продажби во земјата. Во Велика Британија резултатот за првото полугодие на 2021 година е 4.027 единици или 17,4% од целата реализација за периодот.
Следете не и на:
