Јапонците од Honda ги објавија првите фотографии од внатрешноста на новиот градски електричен автомобил. Дебито на истиот е предвидено за следниот месец и би требало да се одржи во рамки на автомобилскиот саем во Женева.
Од фотографијата се гледа дека ентериерот е еволуција на концептот Urban EV од 2017 година. Со други зборови, таблата со инструменти е лишена од секакви аналогни уреди и се состои од дисплеј со широк екран кој е составен од неколку дисплеи.
Централниот дел е наменет за информација од информативниот систем за забава. На левата страна се виртуелните уреди на автомобилот, а на десната се другите информации за работата на основните единици и агрегати.
Однадвор новиот градски прототип исто така е сличен на концептот Urban EV. Сè уште нема ТТ податоци за новиот градски електричен автомобил. Тие ќе станат познати на почетокот на следниот месец со официјално претставување.
Следете не и на:
