Напаѓачот на репрезентацијата на Аргентина и турскиот Галатасарај, Мауро Икарди го нарача ултра луксузниот Rolls-Royce Boat Tail. Кабриолетот е најскапиот нов автомобил во светот. Фудбалерот за купувањето се пофали на социјалните мрежи.
Мауро Икарди стана сопственик на третиот и последен Rolls-Royce Boat Tail произведен. Ќе потсетиме дека Бијонсе и Џеј Зи ја купија првата копија од овој автомобил.
Аргентинскиот напаѓач е љубител на најскапите автомобили. Тој веќе има Bentley Bentayga, Rolls Royce Ghost, Lamborghini Huracan Spyder, Range Rover и Hummer H2 во својата гаража.
Rolls Royce Boat Tail
Ексклузивниот кабриолет Rolls-Royce Boat Tail вреди 28 милиони долари. Сите три автомобили од оваа серија се разликуваат едни од други по декорации, но сите се направени во наутичка тема. Името Boat Tail се преведува како „задниот дел на бродот“.
View this post on Instagram
Кабриолетот има долга хауба и брендирана решетка на ладилникот, а дрвените облоги на капакот на багажникот ја имитираат палубата на бродот. Внатрешноста е украсена со кожа и дрво, а на централниот панел е поставен скап швајцарски часовник. Во багажникот се кријат чадор за сонце, ладилник за шампањ, пикник столчиња и низа скапи садови.
Новиот Rolls-Royce Boat Tail е базиран на седанот Phantom. Опремен е со 6,75-литарски битурбо V12 мотор кој има моќност од 571 КС. и со 8-брзински автоматски менувач, а специјалната воздушна суспензија обезбедува единствена удобност при возењето.
Следете не и на:
