Ford ќе треба да плати отштета од 7 милиони долари на семејството на 19-годишната девојка која загинала во несреќа со нејзиниот Mustang. Бреана Бумгарнер загинала кога пикап удрил во нејзиниот Ford Mustang во 2016 година, при што спортскиот автомобил се запалил. Во тужбата се тврди дека Mustang бил „дефектно дизајниран, што создава неразумна склоност да се запали во пламен при нормални и предвидливи работни услови“.
Бил покренат судскиот случај и поротата пресудила дека Ford е 99 отсто виновен за смртта на Бумгарнер, истакнувајќи дека возилото „не спречило истекување од резервоарот за течност за сопирачките за време на несреќата“. Преостанатиот 1 процент од грешката бил за возачот на пикапот.
Адвокатите кои ја застапувале мајката на Бумгарнер, Енџел Тајлер, ѝ кажале на поротата дека 19-годишната девојка била жива запалена откако била заробена во нејзиниот автомобил. Адвокатот што го застапувал Ford, тврдел дека пикапот удрил во шарката од возачката страна на Mustang под агол, што предизвикало заглавување и спречување на Бамгарнер да избега.
Судот на крајот досуди 2 милиони долари за „свесната болка и страдање“ на Бумгарнер и 5 милиони долари за менталната болка на Тајлер по смртта на нејзината ќерка. Ford има опции да се жали на исходот.
Следете не и на:
