Ferrari e еден од ретките производители на суперавтомобили кои не претставија концепт за видео играта Gran Turismo, но денес тоа се промени. За време на прославите за 25-годишнината од серијата игри на Sony во GT World Finals во Монако, Италијаните открија дека имаат сопствен концепт Vision Gran Turismo и во целосен прототип и во дигитална форма. Со неверојатна ниска каросерија, едносед, и хибридна поставка заснована на V6 што носи чудовишни бројки на моќност и вртежен момент.
Почнувајќи од дизајнот, Ferrari Vision Gran Turismo изгледа подиво од се што сме виделе од Маранело, вклучувајќи го неодамна откриениот тркач за издржливост 499P. Ова се должи на фактот дека како возило создадено за уживање во видео игра, дизајнерите ги немаа истите ограничувања како кај автомобилите од реалниот живот, дозволувајќи екстремни пропорции.
Браниците се испакнати од силно извајаното тело создавајќи прекрасни кривини додека се во контраст со остриот нос и опашката, обете спортски ултра тенки LED светлосни единици. Клиренсот е блиску до нула, со масивниот сплитер напред, перките на страничните прагови и задниот дифузер речиси допирајќи го асфалтот. Други интересни детали се огромните отвори на страните, и големото задно крило поврзано со покривот преку полупроѕирна централна перка.
Хиперавтомобилот е креација на Ferrari Centro Stile, предводен од Флавио Манцони, земајќи инспирација од иконските тркачи од минатото, вклучувајќи ги 330 P3 и 512 S. Според официјалното соопштение, Vision GT е „футуристички дизајнерски манифест за патот и тркачките автомобили на Ferrrai“ и „го редефинира стилскиот јазик на компанијата“.
За разлика од другите Vision GT концепти од други производители, Ferrari се одлучи за хибриден распоред кој е поблизок до оној што го користат неговите сериски модели – иако значително помоќен. Средно монтираниот twin-turbo 3.0-литарски V6 од 296 GTB е подесен да произведува 1.016 КС и 900 Nm вртежен момент, без никакви регулативи. Дополнително, има уште 322 КС од триото електромотори позиционирани во секое од предните тркала и на задната оска. Од Ferrari велат дека комбинираниот вртежен момент од хибридниот систем само на задната оска е 1.100 Nm.
Моќта од моторот се пренесува преку осумстепен менувач со двојна спојка, додека додавањето на електричните мотори нуди AWD. Маранело проценува дека таква моќна машина може да забрза од 0-100 km/h за помалку од 2 секунди, од 0-200 km/h а помалку од 5 секунди и да достигне максимална брзина од над 350 km/h.
Целосниот прототип на концептот Ferrari Vision Gran Turismo ќе биде изложен во Музејот на Ferrari во Маранело до март 2023 година.
Следете не и на:
