Помеѓу 1993 и 2010 година беа произведени 1.326.259 примероци и Xantia стана еден од поуспешните модели на марката Citroën.
Citroen Xantia ја имаше својата светска премиера во март 1993 година на Саемот за автомобили во Женева и сега ја слави својата 30-годишнина и официјално станува олдтајмер. Помеѓу 1993 и 2010 година беа произведени 1.326.259 примероци, главно во фабриката во Рен ла Жанаис, а Xantia стана еден од поуспешните модели на марката Citroën.
Дизајнот беше финализиран од Даниел Абрамсон во дизајнерскиот центар на Citroën, инспириран од предлозите на италијанскиот дизајнерски центар Bertone, и следи од познатиот модел BX од 1980-тите. Станува збор за динамична, течна и робусна лимузина која презема одредени линии од моделот XM и воведе сосема нова силуета во палетата на Citroеn. Благодарение на својот уникатен дизајн, Xantia беше прогласен за автомобил на годината во 1993 година, во која беше претставена.
ДЕВЕТ ГОДИНИ ИНОВАЦИИ ВО СЛУЖБАТА НА КОМФОРОТ
Во своето деветгодишно производство, Xantia претрпе бројни промени. Прво беше достапен во две верзии (SX и VSX), со три различни мотори. Луксузните верзии се опремени со хидропневматскиот систем Hydractive II, електронски систем за суспензија кој ги подобрува карактеристиките на возењето без намалување на удобноста.
Верзијата Activa беше претставена во 1994 година, а беше опремена со системот Hydractive II со два цилиндри, кој беше уште понапреден и бројот на топки беше зголемен на 10.
Благодарение на ова, Xantia можеше да се врти без да се навалува каросеријата. Оваа технологија доведе до развој на специјални гуми во соработка со производителот Michelin.
Моделот Xantia Break пристигна на пазарот во 1995 година. Во 1997 година, Xantia беше подложен на редизајн. Конечно, во 1998 година, Xantia беше првото возило во групата PSA со новиот 2.0 HDi дизел мотор кој стана основа за сите други дизели во идните модели на Citroen.
Удобност, безбедност, технологии и уживање во возењето се клучните термини кои го опишуваат овој нов автомобил претставен во 1993 година. Во тоа време, тој нудеше неспоредлив комфор, а шевовите во внатрешноста станаа карактеристика на Xantia и неговите наследници. Боите и материјалите во одлично искористениот простор во внатрешноста на моделот Xantia беа во целосна хармонија. Имаше и армиран патнички простор, изработен од поцврст и подебел лим и со армирани шипки во вратите, што гарантираше поголема безбедност на патниците.
АПСОЛУТНA УДОБНOСT: HYDRACTIVE II
Кога станува збор за технологијата, доаѓањето на системот Hydractive II, технологија која ја комбинира моќта на хидрауликата и брзината на електронските компоненти, е она што го направи моделот Xantia посебен.
Конвенционалната хидропневматска суспензија е опремена со една дополнителна топка по оска, која се активира со електромагнетни вентили во конвенционален склоп кој вклучува една топка по цилиндар за суспензија. Ова овозможува да се дефинираат две нивоа на флексибилност и контрола на суспензијата: флексибилна и спортска. Сензорите му дозволија на компјутерот да избере еден од тие два режими, во зависност од условите на возење. Технологијата и во двата случаи им овозможи на возачите и на патниците исклучително удобно возење.
ИНСПИРАЦИЈА ЗА ОГЛАСУВАЧИТЕ
Моделот Xantia беше преполн со иновации и карактеристики што го направија совршен за рекламните кампањи на Citroën. Постои добро позната реклама од 1995 година снимена во соработка со Карл Луис во која спортист мора да стане монах поради изгубен облог. Мислеше дека автомобил не може да се сврти во совршено исправена положба, но одеднаш тоа беше можно во моделот Xantia. Во друга реклама, од 1999 година, моделите на Xantia возат наредени во пирамида, што покажува одлични возни карактеристики.
Следете не и на:
