Сегашната генерација на Audi A8 е на пазарот од 2017 година, а иако видовме фејслифт во 2021 година, Германците веќе се подготвуваат да ни покажат нова варијанта на традиционалниот седан. Изгледа дека всушност нема да биде толку традиционален колку што ќе биде целосно нов. Сè уште не се забележани прототипови на наследникот на A8, или барем не се препознаени, иако се очекува да го видиме новиот модел во 2024 година.
Според гласините, тоа ќе биде најмоќното Audi направено досега, надминувајќи го сегашниот носител на оваа титула – RS E-Tron GT со своите 637 коњски сили.
Во исто време, автомобилот ќе го надмине бензинскиот RS6 Competition, кој може да се пофали со 621 коњски сили и 850 њутн метри.
Новиот модел се очекува да има повеќе од 700 коњски сили и повеќе од 960 њутн метри за да ги предизвика EQS и i7 од другите две германски марки.
Наследникот на A8 ќе се заснова на концептот Grandsphere и најверојатно ќе дели голем дел од неговиот дизајн, но со поненаметлив изглед. Во 2024 година, A8 ќе ја прослави својата 30-годишнина, што исто така се очекува соодветно да се прослави.
Концептот Grandsphere се потпира на батерија од 120 kWh, која може да се користи и кај серискиот модел. Во концептот обезбедува километража од околу 750 километри, но неизвесно е дали толку ќе има и кај серискиот автомобил.
Следете не и на:
