Во најновиот филм за британскиот агент Џејмс Бонд, наречен „No Time To Die“, се појавуваат модели на Aston Martin од различни епохи, а еден од нив е продаден на аукција за висока цена.
Станува збор за реплика на моделот DB5 кој се користел за снимање, а е продаден за дури 3,2 милиони долари, односно поскапо од оригиналните модели кои се продаваат на пазарот. Тоа е еден од осумте автомобили произведени од Aston Martin за снимањето на филмот. Функционални гаџети како што се ротирачки регистарски таблички, оружје и слично се дел од автомобилот.
Автомобилот е продаден на хуманитарна аукција во Лондон.
Сепак, тој не е единствениот продаден Aston Martin, бидејќи класичниот V8 Vantage од 1981 година, кој беше користен и во филмот „No Time To Die“, исто така беше продаден за 703.000 долари. DBS Superleggera 007 Edition достигна цена од 449.000 долари. Сите средства одат во хуманитарни цели.
Следете не и на:
