Недостатокот на чипови кои се потребни за функционирање на сите системи во автомобилите веројатно ќе продолжи и во текот на 2022 година. Многу од производителите прават ревизија на своите планови, и веројатно е дека нема да можат да го зголемат производството како што планираат. Се зависи од тоа кој од производителите ќе успее да обезбеди доволно чипови за своите протизводи.
Аudi нема да може да го зголеми производството во блиска иднина бидејќи не успева да ја набави потребната количина чипови, предупреди Маркус Дусман, извршниот директор на германскиот производител на автомобили.
„Во моментов би сакале да го завршиме речиси шестцифрениот број на автомобили, но не можеме и нема да можеме да ги произведеме сите“, изјави извршниот директор на германската компанија Дусман за дневниот весник Augsburger Allgemeine. .
Според него, проблемите со чиповите ќе се прошират во добар дел од 2022 година.
„Се надеваме дека ќе го стабилизираме производството и испораката на чипови во првата половина на 2022 година“, додаде Дусман, додавајќи дека кризата ќе ја чини компанијата да има „рекордна година“.
Тој најави промени во синџирите на снабдување.
„Ние фундаментално ќе ги промениме нашите синџири на снабдување за да бидеме сигурни дека можеме да гарантираме милијарди чипови годишно за нашата компанија, но нема да почнеме самите да ги произведуваме чиповите“, рече Дусман во интервју за регионален германски дневен весник.
Осврнувајќи се на постепеното напуштање на моторите со внатрешно согорување, тој наведува дека светот треба да се ослободи од нафтата и бензинот.
„Мораме да поминеме низ апстиненцијална криза и да се префрлиме на електрични мотори и обновлива енергија“, заклучи тој. „Мора многу да се случи во следните 30 до 40 години за светот да остане соодветно место за живеење.
„Треба да направиме се што е во наша моќ за да ги намалиме емисиите на јаглерод диоксид, а тоа може да се постигне само без извори на фосилни горива како јаглен или нафта“, заклучи Дусман.
Следете не и на:
