За прв пат во историјата, кинеските производители на автомобили ги победија германските на некој од Tоп-20 најголемите пазари на нови автомобили. Така на фронтовската битка во Австралија, производителите од Кина остварија одлични продажни перформанси, надминувајќи ги оние кои доаѓаат од Германија и САД.
Во јануари, според официјалните податоци за продажбата објавени од страна на Комората на автомобилската индустрија на Австралија, продажбата на автомобили од кинеско производство се зголеми за 156%.
Така во Австралија се продадени вкупно 4.198 кинески автомобили што е за 1.120 повеќе од германските и нешто повеќе од двојно во однос на оние од американските брендови. При тоа, најголем пазарен удел имаа кинеските производители MG, LDV и GWM.
И натаму, убедливо најголема продажба остварија јапонските брендови и тоа 29.275 нови автомобили што е пораст од 29,6% во однс на јануари минатата година.
| Земја на потекло | Продажба | Процентуална промена |
| Јапонија | 29.275 | +29.6% |
| Тајланд | 16.903 | -6.1% |
| Јужна Кореа | 11.516 | +11.5% |
| Кина | 4.198 | +156% |
| Германија | 3.078 | -42% |
| САД | 2.056 | -38% |
Следете не и на:
