Од компанијата Bentley ги открија првите детали за обновената верзија на СУВ моделот Bentayga Hybrid, кој е еден од двата нови хибриди на полнење, кои компанијата ќе ги лансира на пазарот во текот на оваа година.
Хибридниот погон на Bentley Bentayga Hybrid е составен од електромотор во комбинација со трилитарски, V-образен, шестцилиндричен турбомотор со максимална моќност од 443 коњски сили и максимален вртежен момент од 700 Нм.
Батерискиот елемент на хибридот е со капацитет од 17.3 kWh и може да биде наполнет за околу два и пол часа.
Bentley Bentayga Hybrid
Од Bentley објавуваат дека обновената Bentayga Hybrid е во состојба да понудаи слободна километража од околу 858 километри, а до 50 од нив можат да работат на целосно електричен режим.
Покрај ова од Bentley споделуваат дека Bentayga Hybrid 2021 доаѓа со новата генерација на борд инфо-комуникациски и мултимедиски систем со 10.9-инчен HD екран, подобрени решенија за поврзување, вклучувајќи ги и Apple CarPlay и Android Auto, дополнителна функционалност на апликацијата My Bentley и други.
Следете не и на:
