Еден од најголемите светски производители на автобуси, Volvo Buses, инаку дел од шведската Volvo Group, одлучи да ја затвори својата фабрика во југозападниот дел на Вроцлав, Полска, во првиот квартал на 2024 година.
Ќе бидат погодени 1.600 работни места, вклучително и 1.500 во Вроцлав, објави компанијата оваа недела.
Фабриката Volvo Buses во Вроцлав е отворена во 1996 година и произведува автобуси за градски и меѓуградски превоз и луксузни автобуси. Компанијата одлучи да го затвори бидејќи ќе воспостави нов бизнис модел во Европа кој се покажа како ефикасен и на други пазари, објави оваа недела полската новинска агенција ПАП.
На тој начин, Volvo ќе го фокусира производството на шасија на автобуси и ќе користи надворешни компании за доработка на каросеријата на неколку типови возила.
Во исто време, Volvo Buses објаснија дека веќе потпишале писмо за намери според кое ќе го продадат својот недвижен имот во Вроцлав на шведската инвестициска групација Варгас Холдинг.
„Со години правиме загуби во Европа. Со новиот деловен модел, кој денес веќе успешно го користиме на различни пазари, ќе ја подобриме профитабилноста и ќе ја обезбедиме нашата долгорочна конкурентност“, изјави Ана Вестерберг од Volvo Buses.
Следете не и на:
