Изградбата на патиштата во моментов зависи од асфалтот кој е главниот материјал. За во иднина постојат многу размислувања и понудени идеи од што сѐ би можеле да се прават патиштата, и зошто тој материјал е најпогоден. Но, ако при правењето на патишта се користи материјал за рециклирање, тогаш навистина вреди да се размилсува, па дури и да се каже дека во тоа е иднината.
На социјалните мрежи се појави видео во кое се објаснува идејата за конструкцијата на патиштата за во иднина. Она што е впечатливо е дека материјалите што се користат всушност е пластика подготвена за рециклирање. Наместо да се уништува, или фрла истата може да се употреби за правење на панели што би се користеле за градење патишта.
Она што е интересно е дека кога ќе треба да се поправи оштетениот пат тоа може да се направи на полесен и поевтин начин. Самата конструкција на патиштата е полесна, и се прави така да ја собира и водата од дождот што ќе паѓа на патот. И векот на користење е 2-3 пати подолг од сегашниот асфалт.
Досега сите идеи остануваат само н аидеи, а реализацијата е навистина слаба. Дали ова е вистинскиот начин за замена на асфалтот?
