Компанијата Renault веќе четврта година по ред е број 1 на пазарот на електромобили во Европа. Ова беше објавено при претставување на резултатите за 2018 година. Бројките велат дека пазарниот дел е 22,2 проценти од продажбите на електромобили во Европа.
Субкомпактниот Zoe реализира 40.000 продажби (пораст од 26 проценти на годишно ниво), а со тоа се најде сосема близу до новиот Nissan Leaf. Кај леснотоварните трговски електромобили лидерството е за Kangoo Z.E. со 9.000 продадени возила и раст од над двапати, како и од околу 40% дел при продажбите на овој тип на возила.
На втората позиција во Европа е Nissan, додека општите продажби на Leaf и e-NV200 се малку пониски од тие на Renault.
Се очекува втората генерација на Zoe да ги продолжи успесите на Renault, но пазарот во Европа ќе се смени сериозно, кога ќе се појави и I.D хечбекот на Volkswagen, кој ќе биде главен конкурент на Leaf и ќе биде со димензиите на Golf.
Следете не и на:
