Кризата со чипови ги зголемува цените на половните возила во Европа и сега во просек тие поскапуваат
Ковид пандемијата и кризата со чипови продолжува да влијае на цената и н аполовните возила. Тие стануваат значително поскапи низ Европа. Просечните цени се зголемени за осум отсто на годишно ниво. Во исто време, бројот на користени автомобили што се нудат во Европа падна за 11 отсто, се вели во извештајот на AutoScout24 Europe.
Додека цените на возилата во Франција, на пример, умерено се зголемуваат за два отсто, потрошувачите во Австрија треба да платат 13 отсто повеќе. Секој што моментално купува половен автомобил во Германија треба да биде подготвен да потроши во просек десет проценти повеќе отколку во претходната година.
Прегледот на најпопуларните европски брендови покажува дека германските производители предничат во поскапувањето. На прво место е Volkswagen, потоа Mercedes, BMW и Audi, а на петтото место е FIAT.
Исто како и во 2020 година, VW Golf е на врвот на топ листите во трговијата со половни возила – има зголемување од 21 процент на годишно ниво во просек во Европа со цена до 19.046 евра. Додека плусот на Audi A4, на второто место во рангирањето, од зголемување од девет проценти на цена од 21.839 евра е умерен, кај Audi A3 кој е на третото место има значителен пораст од 11 отсто на 19.678 евра.
VW Polo е на четвртото место со просечна цена од 14.082 евра и е најевтиното возило меѓу најпопуларните половни автомобили, со пораст од само еден процент ја одржува својата цена речиси стабилна.
Љубителите на петто рангираниот Audi A6 треба да донесат повеќе пари со себе – седанот моментално се продава во просек за 28.112 евра во Европа, шест отсто повеќе од претходната година.
И користените електрични автомобили стануваат сè попопуларни за купување во Европа. Tesla не е на врвот на корист меѓу европските потрошувачи – на прво место меѓу најпопуларните половни електрични автомобили е Renault ZOE со просечна цена од 16.412 евра. За споредба, моделите на второто и третото место на Tesla се значително поскапи – во просек 49.026 евра за Model 3 и дури 51.955 евра за Model S.
Цената од 27.101 евро, што го става BMW i3 на четвртото место, речиси изгледа како добра зделка. Но, најевтин е за љубителите на Smart ForTwo, кој е на петтото место со просечна европска цена од 16.084 евра.
Следете не и на:
