Најчесто кога зборуваме за „милионери“ кај автомобилите, односно возила што зад себе имаат минато над 1 милион километри се возила од високата класа. Веројатно се мисли дека тие се поквалитеtно склопени, или пак едноставно таков е „генот на брендот“. Но, за да се биде милионер не треба секогаш да си голем. Тоа го докажува една Opel Corsa од Германија. Приказната за овој милионер ја раскажува магазинот AutoBild ..
Сопственикот е Мартин Цилиг од Клеве во Германија кој со Opel Corsa B поминал 1 милион километри! Тој веќе 21 година го вози малиот модел со дизелски мотор. Го купил како половен и успеал да го сочува и да биде задоволен од него. Лани летото Цилиг успеал да ја „сврти километражата“ и повторно да тргне од „нула“.
Моделот на Opel кој требало да биде конкурентот VW Polo, дебитираше во 1993 година. Овој Opel е вистински претставник на 90-те години од минатиот век. Скоро без рабови, неговата форма е како јајце. Зошто сепак автомобилот е автомобил од соништата? Бидејќи е издржлив. И се уште вози без проблеми, а причината е во моторот испорачан од Isuzu. Tој е издржлив и поправките не се многубројни. На секои 200.000 до 250.000 километри, алтернаторот и стартерот се заменуваат, од време на време нов ремен – и тоа е за тоа.
Сопственикот на оваа Corsa дели дека самиот мотор досега немал проблеми. Секој ден, стартува дизелскиот мотор од 1,7 литри – дури и во студените зими никогаш немало никакви проблеми. На 300.000 километри, Цилиг ја смени спојката – за секој случај. Вториот веќе си ја работи својата работа преку 700.000 километри. И покрај тоа што автомобилот често влече тешки приколки. Па, само во дворот, за градежни работи, но сепак.
„На враќање на работа патувам 165 километри. Со 4,5 литри на 100 километри, ја полнам со 45 литри секоја недела – на секои 1000 километри. Самиот ги извршувам поправките на мојот автомобил, објаснил Цилиг.
Со оваа Corsa патувал низ Шпанија, Италија и Англија. Следната година Цилиг сака да стигне до Нордкап, Норвешка.
Следете не и на:
