Во време на пандемија компаниите најчесто се решаваат на штедење, отпуштање на работници и кратење на трошоци. Но, VW на своите вработени во Германија ќе им даде покачување од 2,3 проценти, како дел од новиот договор со синдикатот ИГ Метал.
Договорот опфаќа 120.000 вработени во шест фабрики во Западна Германија. Стапи на сила во јануари и ќе трае 23 месеци, завршувајќи во ноември 2022 година.
VW исто така ќе им даде на вработените додаток на коронавирус од 1.000 евра. Покрај тоа, тие ќе добијат 150 евра за зајакнување на пензискиот план на компанијата. Договорот се однесува на вработените во фабриките во Волфсбург, Брунсвик, Хановер, Салзгитер, Емден и Касел, како и на VW финансиските услуги.
ИГ Метал побара зголемување на платите за четири проценти, одбивајќи го предлогот на VW за 1,2 проценти минатиот месец.
Вредноста на акциите на VW e зголемена за повеќе од половина, што во голема мера го ублажува влијанието на пандемијата и недостигот на чипови, што му нанесе непријатен удар на автомобилскиот сектор. Работодавците предупредија дека стотици илјади работни места може да бидат изгубени во Германија ако земјата не ја подобри конкурентноста, додавајќи дека просторот за зголемување на платите е ограничен.
Следете не и на:
