Opel го понуди Elektro GT пред половина век, а денес „молњата“ одново сериозно погоди со електрична енергија. Веќе 50-годишниот модел бил модернизирана верзија на добро познатиот Opel GT.
На 17 и 18 мај во 1971 година, Георг фон Опел се обиде да постави нови рекорди за превозните средства со електричен погон во Хокенхајмринг со специјално подготвен и конвертиран прототип. И постигна успех – Elektro GT за два дена собори шест светски рекорди за електрични превозни средства на пистата за Формула 1 во Хокенхајм.
Успешниот бизнисмен и тркач, Георг фон Опел не само што сакаше да го покаже својот потенцијал на електричните превозни средства за иднина со рекордно искуство. Внукот на основачот на компанијата, Адам Опел ја продолжува семејната традиција на свој сопствен начин. Од 1927 до 1929 година, ракетните погонски системи на неговиот братучет, Фриц фон Опел оставаат силен впечаток за јавноста. На 23 мај во 1928 година, „Raketen-Fritz“ достигна максимална брзина од неверојатните 238 км/ч со РАК 2 пред полните трибини на рутата Авус во Берлин.
Место ракета, Георг фон Опел смета на електричен погон. Elektro GT од 1971 година е опремен со два мотори на Bosch, кои заедно развиваат вкупна моќност од 88 кВт/120 коњски сили и можат дури да понудат врвна моќност до 118 кВт/160 коњски сили за кратко време.
Денес – 50 години подоцна – Opel Corsa-e, која е потомок на првиот електричен на брендот, исто така покажа спортски амбиции. Со 8,1 секунди од нула до 100 км/ч и 260 Hм достапен вртежен момент во моментов, малиот електромобил не само што се стартува брзо од место, туку исто така вози доста надалеку со километража, со едно полнење до 337 километри според WLTP. Corsa-e располага со литиум-јонски батерии со капацитет за полнење 50 квтч.
Opel уште во 2018 година демонстрира каде оди електричното „патување“ со својот концепт автомобил GT X Experimental. И стратегијата на компанијата во Риселсхајм е насочена кон електрификација до ден денес.
Следете не и на:
